Sumik siunertaqarpa?
Atuartitsinermi siunertaq – Qulleq
Atuartitsinermi meeqqat Qulleq pillugu ilinniagaqassapput, tassaasoq kalaallit orsumik ikummatilimmik qulliat, inuit kulturianni kinguaariiaanut annertuumik pingaaruteqarsimasoq. Siunertaasoq tassaavoq, meeqqat Qulliup oqaluttuassartaa, atuuffia kulturikkullu pingaassusaa pillugit paasisaqarnissaat, taamaalilluni oqaluttuarisaanera oqaluttuarineratigut nutaaliornikkullu "nammineq pigiliullugu" paasisaqarfiginiassammassuk.
Qulleq siusinnerusukkut qullertut, kiassaatitut nerisassiornermullu qanoq atorneqartarsimaneranik meeqqat paasisaqarfigissavaat aamma ulluinnarni inuunermi qanoq pingaartigisimanera pillugu. Kulturip, ileqqut Issittumilu inuunerup ataqatigiinnerat pillugit oqaloqatigiinnikkut oqaluttuarinerisigullu paasisaqartitsisoqartarpoq.
Atuartitsinerup ilaattut meeqqat namminneq marriorlutik Qulliliussapput. Marrarmik atuartitsinerup nalaani atuartut ilusilersuinermik, pilersitsinermik marrionermillu tunngaviusunik periutsinik ilinniartinneqartarput. Atuartut Qullertik namminneq ilusilertarpaat, Qulliliornermi isumassarsiarineraniit naammassinissaanut assassugartik sukumiisumik suliaralugu paasisaqarfigalugulu.
Ingerlatsinikkut meeqqat kulturimut paasisimasaminnik, nutaaliorsinnaanermut aamma pussukumiallaqqissusaannut piginnaasaminnik pitsaanerulersinneqassapput. Saniatigullu namminneq inuttut eqqumiitsuliornissaannut, matumani eqqumiitsuliaminnik angerlaassinnaallutik aamma Kalaallit Nunaata oqaluttuarisaaneranut kulturikkullu kingornussaanut attuumassuteqarlutik misigisaqalernissaannut periarfissinneqassapput.
Marriukkamik qulliliorneq imatut ingerlanneqartarpoq:
Ilinniartitsisoq atuartullu Illorpumi workshoppertitsinermut marloriarlutik ornigutissapput:
1) Siullermeernermi atuartut atuartitsisoq ikiortigalugu Qulliliussapput ilusilersorlugulu.
2) Aappassaaneernermi*, atuartut Qulleq marriugaq qalipaasersussavaat.
*Maluginiarneqassaaq, siullermeersumik aappassaaneersumillu workshoppertitsinerit sapaatip akunneranik marlunnik nikingatinneqassapput, marriukkat paneqqaarsinnaaniassammata ikuallanneqarlutillu.
MALUGIUK: JuullerpaluttuLIORTOQARSINNAANNGINNERA malugineqassaaq.
Atuartut amerlassusiat: Amerlanerpaamik klasse ataaseq (atuartut 26-t).
Marriornermi ilitsersuisoq:
Oktobarimi: Ajoraluartumik marriortoqarsinnaanngilaq
Novembarimi: Hanne Berthels
Malugiuk: Klassimi inissat tamakkerneqassappata holdinut marlunnut avinneqassaaq, holdip aappa amermik mersornermik holdillu aappaa marriornermik sammisaqassallutik. Ima paasillugu ingerlatsinermi klassimi tamakkerlutik workshoperfissanik marluusunik ingerlatsisinnaaqqullugit katillugit ingerlasussat sisamaassapput. Marluullutik Illorput-imi ataatsikkut ingerlanneqassapput. Amermik matuersaasiviliorneq pillugu uani paasisaqarnerugit: Amermik matuersaasiviliorneq Workshop
Sapaatit akunneri 1-2: Hold 1: Amermik mersorneq
Hold 2: Marriorneq
Sapaatit akunneri 3-4: Hold 1: Marriorneq
Hold 2: Amermik mersorneq
Workshoppernermut inniminniisimagussi, ilinniartitsisuusumit attavigineqassaasi:
Inniminniinermi toqqaannartumik ilitsersuisoq amermik matuersaasiviornermi ilitsersuisumit: Sara Marie Berthelsenimiit, email: qilertilik@outlook.dk - attavigineqarumaarpusi.
Suleqatigisartakkat
