Sumik siunertaqarpa?
Marrarmik imerfiliorneq imatut ingerlasarpoq:
Atuartut marloriarlutik Illorput-mut marrioriartussapput.
1) Siullermik marriornermi imerfik marrarmik ilusilersorneqassaaq, marriortitsisumik ikiorneqarlutik.
2) Aappassaani* marriornermi, imerfiliarisimasaq marrarmut qalipaatinik qalipanneqassaaq.
*Malugiuk, marraap paneqqaartussaanera uunneqaqqaartussaaneralu peqqutaallutik aappassaaneernissanut sapaatip akunnera uninngasariaqarmata.
Imerfiliornemi atuartut atuarfimmi sammisaanut imatut tulluarsarneqarsinnaavoq: Assersuutigalugu atuarfimmi uumasut pillugit sammisaqarsimagaanni, imerfiliornermi uumasut sammineqarsinnaapput, imerfiliaq uumasutut isikkoqartillugu ilusilersorlugu.
Malugiuk: Juullerpaluttuliortoqarsinnaanngilaq.
Qassiusinnaappat: annerpaamik klassi ataaseq (atuartut 26-it).
Ilitsersuisoq:
Oktobarimi: Ajoraluartumik marriortoqarsinnaanngilaq
Novembarimi: Hanne Berthels
Malugiuk: Klassimi inissat tamakkerneqassappata holdinut marlunnut avinneqassaaq, holdip aappa amermik mersornermik holdillu aappaa marriornermik sammisaqassallutik. Ima paasillugu ingerlatsinermi klassimi tamakkerlutik workshoperfissanik marluusunik ingerlatsisinnaaqqullugit katillugit ingerlasussat sisamaassapput. Marluullutik Illorput-imi ataatsikkut ingerlanneqassapput. Amermik matuersaasiviliorneq pillugu uani paasisaqarnerugit: Amermik matuersaasiviliorneq Workshop
Sapaatit akunneri 1-2: Hold 1: Amermik mersorneq
Hold 2: Marriorneq
Sapaatit akunneri 3-4: Hold 1: Marriorneq
Hold 2: Amermik mersorneq
Workshoppernermut inniminniisimagussi, ilinniartitsisuusumit attavigineqassaasi:
Inniminniinermi toqqaannartumik ilitsersuisoq amermik matuersaasiviornermi ilitsersuisumit: Sara Marie Berthelsenimiit, email: qilertilik@outlook.dk - attavigineqarumaarpusi.
Nukarliit
Atuartut nukarliit marriortinnerini iluitsumik naammassisaqarnissaat siunertaavallaarnani, kisianni marrarmik assamminnik ilusilersuinermut misiliititsineq, taavalu meeqqat malugisaataanut eqaarsaarutitut siunertaqarneruvoq.
Akulliit
Atuartut akulliit marriortinnerini iluitsumik naammassisaqarnissaat siunertaavoq, marriornermi ilitsersuutit paasillugit, nammineerlutillu ilitsersuutit malillugit suliaqarnissaannut naammassisaqarnissaanullu sungiusaataalluni.
Angajulliit
Atuartut angajulliit marriortinnerini takorluuisinnaanerat nutaaliorsinnaanerallu sungiusarnissaat siunertaavoq. Ilitsersuutit malillugit suliaqarnerminni, aamma nammineq nutaaliornissaanut kaammattorneqassapput.
Suleqatigisartakkat
